მეცხრე დღის რეფლექსია

14.07.2014წ. --- დღეს დავასრულეთ პროექტი, ავტვირთეთ და კმაყოფილი ვარ. ბევრი რამ ვისწავლე, ბევრი გავიხსენე, რამაც ბევრი იდეა მომიყვანა თავში. თუ არ ,,ვიზარმაცებ და ერთ პროექს დამოუკიდებლად გავაკეთებ" კარგი იქნება.
მადლობა ტრენერს და რა თქმა უნდა, განათლების მართვის ცენტრს ასეთი კარგი თანამშრომლობისთვის, ტრენინგებისთვის, მხარდაჭერისთვის.

მერვე დღის რეფლექსია

12.07.2014წ. ---- დავასრულე გეგმა, არ მომწონს, მაგრამ... გავაკეთე პრეზენტაციები(მოსწავლის სავარაუდო და მასწავლებლის). ძალიან კარგი იყო, ყველაფერი გავიგე, მაგრამ მუშაობისთვის მეტი დრო არის საჭირო.

მეშვიდე დღის რეფლექსია

10.07.2014წ. --- ტრენერისგან მკაცრი მითითება დავიმსახურე(რა თქმა უნდა არაპირდაპირი), რადგან საშინაო დავალება ვერ მოვამზადე(ვიზარმაცე). ჩემს თავს მივეცი პირობა, მომავალ ტრენინგზე პროექტის მთლიანი ,,ჩონჩხი" მაინც მექნება, მეტი თუ არა. მოწოდებული მასალა ყველა გასაგები და მისაწვდომია, რა მიშლის ხელს?

მეექვსე დღის რეფლექსია

08.07.2014წ. --- ვაგრძელებთ სასწავლო პროექტზე მუშაობას, რომლის პროცესში ბ-ნმა დათომ ახალ-ახალი იდეები მომიყვანა  თავში (ამიტომ, მიმაჩნია, რომ კარგი მასწავლებელი მოსწავლეს კი არ ,,აზეპირებინებს" მისთვის გაუგებარ მასალას, არამედ მოსწავლეს ,,უკაფავს" გზას, რათა მან  თავად, კვლევის პროცესში შეისწავლოს, გაუჩნდეს ინტერესი და ა.შ.). კიდევ ერთი მადლობა ბ-ნ დათოს ამისთვის.
 შევისწავლეთ(უფრო სწორად გავიმეორეთ) სლაიდების  მომზადების ტექნოლოგია. იმდენად საინტერესო გაკვეთილია, მეგობრები მეძახიან და მუშაობისთვის თავის დანებება მიძნელდება.

მეხუთე დღის რეფლექსია

05.07.2014წ. --- ვისწავლეთ და პრაქტიკულად გავიწაფეთ დისკზე  მოცემული პორტფოლიოს(ან ფაილის) გაზიარებაში, ამავე დროს გავიმეორეთ წინა მასალა. რაც შეეხება გეგმის პროექტს, შეფასებების რუბრიკა მიმაჩნია შრომატევადად, მაგრამ  სხვა რა გზაა --- ვიმეცადინებ და ვისწავი.

მეოთხე დღის რეფლექსია

         03.07.2014წ. --- რთული სამუშაოა სასწავლო პროექტი, თუმცა საინტერესო და ბევრისმომცემი. გავეცანით 21-ე საუკუნის უნარ-ჩვევებს, დისკზე პორტფოლიოს შენახვას, ვაგრძელებთ სასწავლო პროექტის გეგმაზე მუშაობას. ამჯერად გავიგე, რას ნიშნავს  მიმართულების მიმცემი ზოგადი, თემატური და შინაარსობლივი კითხვები.

პროექტის პორტფოლიო

ჩემი  პორტფოლიოს  სანახავად  გადადით  ბმულზე

მესამე დღის რეფლექსია

01.07.2014წ. --- ვაგრძელებთ მუშაობას სასწავლო პროექტზე, პარალელურად შევისწავლეთ სასწავლო პროექტის ერთ-ერთი მნიშვნელოვანი რესურსის --- ბუკლეტის შედგენა.
მეტად საინტერესო  ტრენინგია, დრო შეუმჩნევლად გადის.

მეორე დღის რეფლექსია

26.06. 2014წ. ---- გავეცანით და დავიწყეთ სასწავლო პროექტის გეგმის შაბლონის დაწერა.
მეტად საინტერესო მეცადინეობაა, რადგან არა მარტო ტექნოლოგიების გამოყენებას ვსწავლობთ, არამედ გეგმის შედგენისას საგნობრივი სტანდარტების და მისი შესაბამისი მიზნების განსაზღვრის გაღრმავებაც ხდება. პარალელურად  ვიხსენებთ  და ვიღრმავებთ ცოდნას ტრენინგის მეორე დონეზე შესწავლილი ტექნოლოგიური ოპერაციების შესახებ. 

პირველი დღის რეფლექსია

25.06.2014წ.   ---- უპირველესად, მეტად  სასიამოვნო იყო ისეთ ტრენერთან შეხვედრა,
                               როგორიც ბატონი დათოა;
        გავეცანით ტრენინგის მიზანს,  სასწავლო პროექტის მოდულებს ზოგადად, მის  მნიშვნელობასაც და სირთულეებსაც, ამასთან, ტექნოლოგიების მნიშვნელობას კარგ მასწავლებლად ჩამოყალიბებაში, ამიტომ, მთელი ენერგიით ვერთვები მუშაობაში და ვიცი, რომ, ,,რაღაცას" აუცილებლად ვისწავლი.